44 мектеп-гимназиясы Наурыз мерекесін жоғары деңгейде атап өтті. Қазақ халқы аса кадірлейтін бұл күн, яғни 22-наурыз бүкіл Шығыс халықтарының ежелгі бас мерекесі.
Наурыз – жаңа жыл тойы, көктем мерекесі, күн мен түннің теңелу сәті, халықтардың ынтымақ күні. «Наурыз – табиғаттың мейрамы». Демек, бұл осы мерекені тойлайтын халықтар үшін аса зор салтанат, ұлы жиын. Орта Азия мен Қазақстан тұрғындары бұл күнді «Самарқанның көк тасы жібіген күн» деп те дәріптейді. Наурыз – қазақта бірінші айдың аты. Наурыз күні халық таза киініп, бірін-бірі құттықтап, қуаныш дастарханын мол жаяды. Ендеше «Ұлыс құтты болсын!», «Ақ мол болсын», «Төрт түлік ақты болсын!», ұлтымыздың ұлылығын ұлықтаған, дәстүрімізді дәріптеп, ізгілік пен мейірімділікке, бейбітшілікке бастайтын Наурыз мерекесі баршаңызға құтты болсын!
#44schoolgymnasium #gymnasium #Batys #Uralsk
