Орал қаласының білім беру бөлімінің ұйымдастыруымен Мектептен тыс жұмыс орталығында ҚР Үкіметінің 2020 жылғы 30 наурыздағы № 156 қаулысымен бекітілген, Баланың құқықтарын қорғауды күшейту, тұрмыстық зорлық-зомбылыққа қарсы іс-қимыл және жасөспірімдер арасында суицидтің көбеюі мәселелерін шешу жөніндегі 2020-2023 жылдарға арналған жол картасының 43-тармағына сәйкес «Қазақстан Республикасында балалардың құқықтарын қамтамасыз ету мәселелері жөніндегі балалар өкілдіктері» балалар қозғалысы өкілдерінің кездесуі өтіп, оған қала мектептеріндегі 8-10 сынып оқушылары құрамынан тұратын Балалар өкілдіктерінің штабы ашылды.
Штабтың бірінші отырысында ҚР БҒМ Балалардың құқықтарын қорғау комитеті төрағасының 2020 жылғы 25 тамызындағы № 57н бұйрығына негізделген «Қазақстан Республикасында балалардың құқықтарын қамтамасыз ету мәселелері жөніндегі балалар өкілдіктері» балалар қозғалысының Ережесімен таныстырылды.
