«Ата мекенім» қоғамдық қорының қолдауымен «www.atamekenim.kz» порталында көмекке мұқтаж ата-аналар өз өтінімдерін қалдыра алатын «Мектепке жол» платформасы құрылды.

Өз кезегінде демеушілер мен меценаттар ақшалай қаражатты онлайн-аудара отырып осы портал арқылы көмек көрсету бойынша өз ниеттерін жүзеге асыра алады. Бұл платформа тұрақты түрде жұмыс жасай отырып, жаңа тәсілдер арқылы көмек көрсетудің мәдениетін қалыптастыруға, оның ашықтығын қамтамасыз етуге септігін тигізеді.
Ата-аналардан немесе оларды алмастырушы тұлғалардан түскен өтініштер ұлттық білім беру дерекқорының мәліметтерімен салыстырылатын болады, одан кейін көмек атаулы түрде бөлінетін болады.
Акцияның мақсаты – әр баланы оқумен толық қамтуға жағдай жасау, жаңа оқу жылына дайындық кезінде білім беру саласындағы заңнамалық нормативтік акттерге сәйкес көмек қажет ететін балаларға материалдық қолдау көрсету.
Жыл бойы өткізілетін акция барысында қаламыздың көмекті қажет ететін балаларын ілтипат пен қамқорлыққа бөлеп, олардың қажетті әлеуметтік жағдайының жақсаруы үшін қоғамның қайырымдылық әлеуетін қол ұшын созып, көмек көрсетуге шақырамыз!