Д. Қонаев атындағы №44 мектеп-гимназиясында «Тандем: тәжірибе мен жаңашылдық тоғысы» тақырыбында тәжірибе алмасу алаңы ұйымдастырылды.

 Іс-шара барысында педагогтер өздерінің кәсіби тәжірибелерімен бөлісіп, білім беру үдерісіндегі жаңашыл бағыттар талқыланды.
Бастауыш сынып мұғалімдері Турегалиева Ж. И., Қайыргалиева А. З. «Жасанды интеллект – адамзаттың жаңа серігі» тақырыбында сабақта қолданылатын жасанды интеллект түрлерімен бөліссе, Мамыр А. Р. «Педагогикалық тәжірибе: бөлісу, дамыту, жетілдіру» тақырыбында өз тәжірибесінен авторлық бағдарлама шығарудың негізі бағыттарын ұсынды және Жаннатова А. К  мен Назарова Ш. Т. «Функционалды сауаттылықты қалыптастырудың тиімді жолдары» тақырыбында  өз  сабақтарында қолданған тәжірибелерімен бөлісті.
Іс-шара соңында кері байланыс ұйымдастырылып, педагогтердің 87%-ы ұсынылған тәжірибелерді өз іс-тәжірибелеріне енгізуге дайын екені анықталды.