Елімізде төтенше жағдайдың орнауына байланысты, ағымдағы жылдың 30-наурызынан бастап полиция басқармасы қоғамдық орындарда ата-анасыз және заңды өкілдерінсіз жүретін кәмелетке толмағандарға рейдтік іс-шаралар өткізуде.

Рейдтік іс-шаралар барысында тыйым салуларға қарамастан, балалар қала көшелерінде жүргендері анықталды. Алдағы уақытта балаларыңыздың қауіпсіздігі үшін және осындай жағдайға жол бермеу мақсатында балаларды қараусыз қалдырмауларыңызды сұраймыз. Сондай-ақ ҚР АП Кодексінің 476-бабы бойынша төтенше жағдайдың жариялануына байланысты Мемлекеттік орган белгілеген режимді бұзу немесе талаптарды орындамау айыппұл салуға әкеп соғатындығын еске саламыз.