Д.Қонаев атындағы 44 мектеп-гимназиясында 11 наурыз күні 9-10-сынып оқушылары арасында ReadX - жобасы бойынша "Мен оқыған кітап" атты ой бөлісу сағаты өткізілді.
Мақсаты: Оқырмандарға қазақ әдебиетінің, әлем классиктерінің алтын қорындағы шығармаларына қызығушылықтарын арттыру, рухани маңыздылығын жеткізу.
Қазақ халық жазушыларының шығармашылығы қайталанбас туынды екені айтпаса да түсінікті. Жазушының шеберлігі оқырманды еріксіз баурап алатын, көркем, мазмұнды шығарма жазу үлкен дарындылық пен қабілет.
ReadX-та спикерлер өз ойларын ортаға салу барысында Сайын Мұратбековтың "Жабайы алма", "Жусан иісі" шығармаларын оқуды ұсынып, өмір бойы күреспен келе жатқан мейірімділік пен зұлымдық, адалдық пен қастық, махаббат пен сатқындық, намысшылдық пен өжеттілік, қоғамның ағысымен арпалысқа түсуін, қайғы-қасіреті мен тыныс-тіршілігін суреттеді.
Шығармашыл адамдар бір уақытта бірнеше керемет идеяларды түрлендіре алады. Ал оларды қайдан алуға болады? Әрине, кітаптардан.
Француз жазушысы Шарль Луи Монтескье оқу туралы: "Кітап оқу мен үшін өмірден жалықпаудың ең маңызды жолы болды. Бір сағат кітап оқығаннан кейін шайылмаған уайымым да болған емес" деген екен.
Ой бөлісу кезінде де спикерлер шығармаларды ұсына отырып, тұрақты кітап оқудың себептерін түсіндіріп, кітап оқудың қаншалықты маңызды екенін дәлелдеді.
Өткізген: қазақ тілі мен әдебиеті пәні мұғалімі Мухангалиева Г.Б., кітапханашылар: Құрманова А.А., Меңдіғұлова С.Б.
