Д.Қонаев атындағы 44 мектеп-гимназиясында 14 ақпан күні мектебімізді 20 жыл басқарып, ыстығына күйіп, суығына тоңа білген білікті басшы, Ы.Алтынсарин төсбелгісінің иегері,18 жыл директор қызметін атқарған Ақжарқын Мүтиғоллақызының жоғары лауазымға тағайындалуына орай "Мектеп өміріндегі 20 жыл" атты шығармашылық сазды кеші өтті.

"Айкөркем" би ансамблінің жетекшісі Сандуғаш Қаршығақызы және кішкентай бишілер сүйікті директорларына керемет би билеп, мектеп ашылғаннан бастап 20 жыл бірге жұмыс жасаған мұғалімдер жүрекжарды тілектерін арнап, қазақ тілі, орыс тілі, ағылшын тілі бірлестіктері үш тілде қойылым қойып, МИФ бірлестігі математикалық түрде құттықтап, технология және дене тәрбиесі бірлестіктері әсерлі құттықтауларын жеткізіп, тарих және жаратылыстану бірлестіктері қалжың бейнеролик көрсетіп, әкімшілік көңілді поезд құрып, тамаша ән жолдады. Кеш соңында бастауыш бірлестігі музыка пәні мұғалімі Қобылан Балтаұлының шығарған "Қимай тұрмыз" әнін ұжым мүшелерімен бірге шырқап, көздеріне жас үйірді.
Сіздей басшы жоқ-ау деймін сірә да,
Адам жанын сіз секілді ұға ма.
Ұжым болып айтарымыз бір тілек,
Ешқашанда биігіңнен құла ма.
Ақжарқын Мүтиғоллақызы СӘТТІЛІК!!!
#БҚО #Оралқаласы #44мектепгимназиясы @batys_kz @uralskakimat @abat_shynybekov @bqobilim @oral_ovp