44 мектеп-гимназиясында 3 желтоқсан күні оқушылардың құқықтық сауаттылығын арттырып, құқық бұзушылық және қылмыс белгілерін, түрлерін, жасөспірімдердің құқықтары мен міндеттерін таныстыру. Қоғамның заңдары мен нормаларын орындауға, құқықтарын біліп оны құрметтеуге тәрбиелеу мақсатында 9-сынып оқушыларымен бірге «Құқық бұзушылық және заңдық жауапкершілік» тақырыбында кездесу шарасы өтті.
Осы орайда шараға БҚО Полиция департаменті жергілікті полиция қызметі басқармасының аға инспекторы, полиция майоры - Капаева Шынар Дәттібайқызы,
44 мектеп-гимназиясының инспекторы, лейтенант - Рашидов Асқар Рашидович,
44 мектеп-гимназиясының психологы - Мусина Альфия Арманқызы қатысты.
Құқық бұзушылық, азаматтық құқық бұзушылық, тәртіптік құқық бұзушылық, әкімшілік құқық бұзушылық, Орал қаласы бойынша жасөспірімдердің арасында кездесетін құқық бұзушылықтың түрлері, қылмыс жасағаны үшін жасөспірімдерге қандай жазалар қолданылады, кәмелеттік жасқа толмаған жасөспірімдерді жазалаудың ерекшеліктері, арнайы қызметкерлерді жалған шақырған жағдайда қандай шара қолданылатыны, кәмелетке толмаған «қиын» балалардың мінез-құлқының ерекшеліктері туралы баяндалып, оқушыларға толыққанды мәлімет берілді.
Мемлекетіміздің ата Заңының 1-бабында Қазақстан Республикасы өзін демократиялық, құқықтық және әлеуметтік мемлекет ретінде орнықтырылды. «Оның басты қазынасы – адам және адамның өмірі, құқықтары мен бостандықтары» деген қастерлі сөзді кіргізген. Бүгінгі құқықтық мемлекет құрамыз деген заманда әрбір адам өз құқықтарын жете біліп, жалпы заң білімі саласынан мағлұмат алғаны дұрыс. Заңды аттамай, тура жолмен жүріп, еліне адал қызмет еткен азамат қана мұратына жетеді. Сондықтан заңды білу – заман талабы. Олай болса құқықтық тәрбие мен құқықтық мәдениетті санаға сіңіріп, өзімізді және қасымыздағы адамдардың жеке басын қадірлеп, құрметтейік.
#БҚО #Оралқаласы #44мектепгимназиясы #құқықбұзушылық #құқықтықсана #құқықтықтәрбие
