44 мектеп-гимназиясының 8-9-10-11-сынып оқушылары, ата-аналар мен мектеп әкімшілігі 20 қараша күні Хадиша Бөкеева атындағы Батыс Қазақстан облыстық қазақ драма театрына барып, "Аңыз болған абысындар" қойылымын тамашалап қайтты. Бұл қойылымда әйел адамның шыдамдылығы да, сабырлығы да, абысын мен ажынның татулығы да, бірлігі мен берекесі де, бәрі де бар. Әйел - қайсар жүректі. Әйел - сарқылмас күш. Әйел бейнесін, әйел тағдырын мыңдаған жылдарға сөзбен қылқаламның құдіретіне және сонау өмір көріністерін сахналық өнерге айналдырып, көрменге паш еткен бұл қойылым әр адамның жүрегін тебіренткені рас.
"Аңыз болған абысындар" атты қойылым – тың тақырыпқа тұңғыш түрен салған, айтары анық, бояуы қанық, оқушылардың ойына ой қосатын тұлғалы туынды болғаны сөзсіз.
#БҚО #Оралқаласы #44мектепгимназиясы #аңызболғанабысындар #ХадишаБөкееваатындағыоблыстыққазақдраматеатры