Сұлу дала, менің сүйген еркемсің,
Жаным сенен жаратылған өлкемсің.
Қандай жақсы қазақ болып туғаным
О, туған жер! Тамашасың, көркемсің!
⚜️Елбасымыз Н.Назарбаевтың тарихи құжатқа айналған «Болашаққа бағдар: рухани жаңғыру» атты мақаласында: «...Туған жер – әркімнің шыр етіп жерге түскен, бауырында еңбектеп, қаз басқан қасиетті мекені, талай жанның өмір-бақи тұратын өлкесі. Оны қайда жүрсе де жүрегіміз әлдилеп өтпейтін жан баласы болмайды» - деп туған жердің қасиетіне ерекше тоқталады.
🔸Тәуелсіздіктің 30 жылдығы мен “1 желтоқсан - Тұңғыш президент” күніне орай мектеп-гимназия қабырғасында бастауыш бірлестігі 4-сыныптарының ұйымдастыруымен «Туған жер - тұғырың, туған ел - қыдырың» атты тәрбиелік мерекелік шара өткізілді.
Мақсаты: Балалардың жеке басындағы патриоттық сезімді, отансүйгіштік қасиеттерді қалыптастыру. Туған жерін көркейтуге, еліне адал қызмет етуге тәрбиелеу.
Мерекелік шара Қазақстан Республикасының әнұранымен ашылып, мың бұралған биші қыздарымыздың “Қазақ биімен” жалғасын тапты. Туған жер, Отан, Елбасымыз туралы сұрақтар қойылып, оқушылар өз жауаптарын ортаға салды. Облыстық прозалық байқаудан “Бас жүлде” алған оқушымыз Сарсенгалиев Асем “Туған жерге сағыныш” атты прозамен өз өнерін көрсетті. Кеш барысында оқушылар туған жер, елге деген сүйіспеншіліктерін өоеңдерді мәнерлеп оқу арқылы көрсетіп, “Атамекен”, “Көк тудың желбірегені” патриоттық әндерімен әдемі етіп тәрбиелік шараны қорытындылады.
⚜️Біз - қазақпыз. Біз оны жүрегіміз толы мақтанышпен, құрметпен айтамыз.
