Ел мүддесін бәрінен биік қоятын, өзінен кейінгі ізінен ерген ұрпағына ұлылығын ұялатып, ізеттігін аямайтын, бір қауымға бас-көз бола білген ардагерлеріміздің орны қашан да ерекше. 🔹Осы орайда “Nur Oran” партиясы және “Jas Otan” Жастар қанаты “Ардагерлерді ардақтайық” атты акцияны жариялаған болатын. “Үлкендер жолы – ұлылық, ұрпағы жүрер ұғынып” - демекші, біздің кейіпкеріміз - Дінмұхамед Қонаев атындағы №44 мектеп-гимназиямызда 20 жыл бойы тынымсыз еңбек еткен, қазақ тілі мен әдебиеті пәнінің мұғалімі, зейнет жасындағы ардагер-ұстаз Сейтимова Ляззат Галимовна. Ардагер-ұстазымыз 30 жыл ішіндегі ел тарихына тоқталып, өз білім беру саласындағы ұзақ жылғы жемісті еңбегі және жас ұрпақты оқыту мен тәрбиелеудегі жетістіктері туралы баяндады. 🔹Тіршіліктің тынысын, уақыттың жүрісін сезіндіретін, білім әлемінің сырын білетін, өзінің алдынан өтіп жатқан шәкірттерінің жырын жүрекке түйген тағылым иелері ардагер-ұстаздарымыздың сара жолы көпке үлгі-өнеге. Ендеше ардагер-ұстаз Ляззат Галимовнаның Тәуелсіздіктің 30 жылдығына арнаған сый-тартуы: ✍️ Бабалардың тәуелсіздік аңсаған, Ар-намысын ту ғып биік ұстаған. Ел билігін реттемек боп алаңға, Жиналды жұрт жастар легі бастаған. Елдің қамын жас та болса ойлаған, Бойжеткен мен бозбалалар - бәрі алаң. Қол шоқпарлар билік жақтан жетіп кеп, Қарсы шығып, салды бүлік, зобалаң. Талай жылдар көрген қорлық азабын, Елін, жұртын шын сүйеді қазағым. Бабалардың рухыменен асқақтап, Ешбір елдің көтермейді мазағын. Өз ұлтынан сайлау үшін басшыны, Бейбіт шеру құрды жастар, бар шыны. Мұзға жығып, ұрып-соғып солдаттар, Аппақ қарды қызыл-ала қан қылды. Желтоқсанның Тәуелсіздік күнінде, Сол оқиға ұмытылмас бүгінде. Әділетсіз қуғын көрген ұл-қыздың Есімдері ел есінде мәңгіге! Досым, бұрын мұны ойға түйдің бе? Еш уайымсыз, бақытты өмір сүрдің бе? Тәуелсіздік – ел тірегі, тілегі, Онсыз өмір мәні де жоқ білдің бе?! Тәуелсіздік – көк Туымыз көктегі, Қазағымның дамып, шыңға жеткені! Бабалардың салған ізін үлгі етіп, Ұрпағына елді сүю мектебі! 👏🏻Тәуелсіздігіміздің тұғыры биік, егемендігіміз баянды болсын! #ArdagerNurOtan #AqjaiqArdagerNurOtan @bqobilim @batys_kz @uralskakimat @oral_bilim @abat_shynybekov @aigulmynbayeva @yerlan__gali