2024 жылдың 22 қаңтары күні қалалық білім беру бөлімінің жоспарына сәйкес Д.Қонаев атындағы №44 мектеп-гимназиясы базасында химия, биология, география пәндері бойынша "Жаратылыстану-ғылыми сауаттылығын арттыруға бағытталған жұмыстар химия, биология, география пәндерінде" тақырыбында ББЖМ дайындауға байланысты семинар оздырылды. Семинар мақсаты жаратылыстану пәндері мұғалімдерінің білім алушылардың білім жетістіктерінің мониторингіне дайындық тәжірибелерімен бөлісу болды. Семинарға қала мектептерінің 45 мұғалімі қатысты. Семинар қатысушыларға жақсы көңіл-күй сыйлап, жағымды атмосфера қалыптастыруға бағытталған тренингпен басталды. Одан кейін мектеп директоры Б.С.Тлекенова мектептің жұмыс бағыттарымен таныстырып өтті. Келесі кезекте қалалық білім бөлімінің әдіскері С.Ж.Кажгалиева тапсырмаларды дайындауда назар аудару керек жағдайларды атап өтті.
Мектепте өтіп жатқан "Күшіміз бірлікте!" жобасымен педагог-шебер, химия пәні мұғалімі А.К.Жаннатова таныстырып, жобаның өту барысымен оқушылар таныстырды. Келесі жұмыстар әр пән бойынша аудиторияларда жалғасын тапты.
Жаратылыстану сауаттылығын арттыру биология пәндерінде ұйымдастырылуында педагог-зерттеуші Г.У.Закиева виртуалды зертханамен таныстырды, педагог-сарапшы А.Т.Имангалиева диаграммалар мен сандық деректер берілген мәтіннен тапсырмалар құрастыру жолдарына тоқталды. Педагог-модератор Сахиұлы Б сабақта қолдануға болатын платформалармен таныстырды.
Жаратылыстану сауаттылығын арттыру химия пәндерінде ұйымдастырылуында педагог-шебер А.К.Жаннатова Olabs виртуалды зертханасын қолдану тиімділігіне тоқталса, педагог-зерттеуші А.К.Урбисенова деңгейлік тапсырмаларды әзірлеу ерекшеліктерімен таныстырды. Педагог-сарапшы Г.А.Кабылкаирова интерактивті тапсырмалар дайындау әдістемесіне тоқталды. Химия пәні мұғалімдері тапсырмаларды орындап, күрделілік деңгейіне бға беріп, жетілдіру жөнінде ұсыныстарымен бөлісті. Жаратылыстану сауаттылығын арттыру география пәндерінде ұйымдастырылуында педагог-зерттеуші Л.Т.Кенжеалиева мен педагог-зерттеуші Т.Б.Нурышов география пәнінен ББЖМ тапсырмаларын әзірлеудегі өз тәжірибелерімен бөлісіп, география пәні мұғалімдері тапсырмалар орындап, тапсырмаларды талдады. Семинар соңында қатысушылардың кері байланысы алынып, қорытынды жасалды. Семинарға барлық қатысушылар оң баға беріп, алда да осы бағыттағы семинарлар өте берсе екен деген тілектерін жеткізді.