Дінмұхамед Қонаев атындағы №44 мектеп-гимназиясында 2022 жылдың 30 наурыз күні “Құндылықтарға негізделген білімнің оқу-тәрбие процесіндегі маңызы” тақырыбында мұғалімдер семинары және педагогикалық кеңес оздырылды. Мақсаты: Мұғалімдерге құндылықтарға негізделген білім беру маңыздылығын дәріптей отырып, оқушыларының өз пәндеріне деген қызығушылығын арттыруға әдістемелік көмек көрсету; Пән мұғалімдерінің өзара тәжірибе алмасуына мүмкіндік жасау. ✅Оқыту семинарының бірінші бөлімінде мектеп директоры Б.С.Тлекенова “Құндылықтарға негізделген білімнің оқу-тәрбие процесіндегі маңызы” тақырыбында сөз сөйлеп, семинарға қатысушыларға сәттілік тіледі. Мектебіміздің ұстаздары спикер С.Б.Ахметова мен Т.Ә.Каймулина “Құндылықтарға негізделген білімді пәнге кіріктіру” тақырыбындағы жұмыстарын таныстырып, өз іс-тәжірибелерімен бөлісті. Ал З.Е.Ахметова “Құндылықтарды пәндерге кіріктіру жолдарын қарастыру” тақырыбында әр бірлестікке тапсырма беріп, қатысушылар өз ойлары мен көзқарастарын ортаға салды. ✅Екінші бөлімде директордың орынбасарлары 3-тоқсан қорытындысына тоқталып өтті. Семинар соңында мұғалімдер ұйымдастырушыларға, спикерлерге алғыстарын білдіріп, талқыланған мәселелердің өзектілігі айқын екенін айтты.