2021 жылғы 10-наурызда Дінмұхамед Қонаев атындағы №44 мектеп-гимназиясының ұйымдастыруымен "Ұжым мүшелерінің адами капиталын дамытуда командалық топтар желісінің маңызы" тақырыбында "Ұлағат" желілік қауымдастығында вебинар өткізілді.
Вебинар барысында Дінмұхамед Қонаев атындағы № 44 мектеп-гимназияның директоры Тлекенова Бибигуль Сауровна аталған жобаның идеясы мен бағытын таныстырып өтті, сонымен қатар «Заманауи мұғалім» тобының көшбасшы ұстаздары қашықтан оқыту жағдайында және кезекшілік сыныптарда оқытуды ұйымдастыру тәртібінде командалық топтарды құру жобасын ұсынды.
Командалық топтарды құрудың негізгі мақсаттарының бірі педагогтардың кәсіби,мәдени, шығармашылық бағытта өзара байланыстарын қамтамасыз ету; жаңа педагогикалық әдістер мен сабақ беру тәсілдерін игеру;
Мектеп әкімшілігінің бастамасымен 7 шығармашылық топ құрылды.
Топ көшбасшылары ретінде мектеп-гимназияның өз қызметінде жоғары кәсіби шеберлік көрсетіп жүрген және әріптестерін шабыттандыра алатын мұғалімдер таңдалды.
Вебинар шеңберінде көшбасшылар жұмыс тәжірибесімен бөлісіп, жұмыс жүйесін, мұғалімдерді командаға біріктіру әдістерін көрсетті.
Сондай-ақ коуч- мотиватор Ахметова Замзагуль Ермековна, кейін Мурзашева Айымгуль Сансызбаевна, Зулкашева Шынар Мулкайевна және Туребаев Арген Маратұлы өз топтарының жұмыс жоспарымен таныстырып өтсе, директордың ғылыми-әдістемелік жұмысы жөніндегі орынбасары Дюсенбаева Ляззат Серикбаевна топ көшбасшыларын шабыттандыру, жігерлендіру мақсатында жүргізілген жұмыстар туралы айтып өтті.
Семинар жұмысына қатысқан мектеп директорлары, орынбасарлары оң бағасын беріп, пікір алмасты.
Қоғамдастық жетекшісі Мурадимова Т.М. өзгелерді шабыттандыра алатын көшбасшылардың жұмысына жоғары бағасын берді.
Вебинардың тақырыбы: "Ұжым мүшелерінің адами капиталын дамытуда командалық топтар желісінің маңызы"
