Ашық сабақ 20.02.2024 жылы 9А сыныбына 5-сабақ мектеп кітапханасында өтті. Сабақ тақырыбы «Types of films». Сабақтың мақсаты оқушылардың сөйлеу дағдылары мен ойлау дағдыларын және функционалдық сауаттылықтарын дамыту. Бұл ащық сабағымда оқытудың үш мақсаты алынды, контент, айтылым және грамматика. Грамматикалық тапсырмада оқушылар сын есімдерді тиімді қолдана отырып фильмдерді сипаттау, пікірлерін білдіру тапсырмаларын орындады. Сабақтың басында ұйымдастыру кезеңінен кейін Warm up сәтінде оқушыларға “Stand up if your answer “YES” әдісін арқылы сұрақтар қойылды. Келесі кезекте жеке тапсырма Brainstorming әдісі, фильмдерге байланысты сын есімдерді табу, MOVIE сөзінің әр әрпіне сын есімдерді атау.
Сабақтың тақырыбын осы қойылған сұрақтар бойынша болжап тапты. Сабақ мақсаты айтылды. Оқушылар алдын ала топтарға бөлініп отырғызылған болатын. Сабақтың келесі кезеңі жаңа сөздікпен таныстырылып, сөздікті бекіту тапсырмасы жұптық жұмыс түрінде болды. Бұл тапсырмада оқушылар фильмдердің түрлері мен анықтамаларын сәйкестендірді. Жұптық бағалау түрі қолданылды.
Топтық жұмысқа үш топтың оқушыларына өздері көрген отандық фильм туралы ақпарат беру тапсырмасы берілді. Тапсырма әр топ мүшелерінің деңгейлеріне сай әртүрлі деңгейлерге сәйкестендіріліп, сараланып берілді. Оқушылар фильмнің
- режиссері, атауы, жанры, актерлары;
- фильмнің басты кейіпкері мен кейіпкерлері туралы сипаттама;
- фильмнің сюжеті;
- фильм туралы рекомендация
Әр топты арнайы алдын ала берілген дискрипторлары жазылған кестемен арнайы топ таныстырылымын бақылап, бағалады, пікірлерін білдірді.
Топтық жұмыстан соң сергіту сәтіне ойын ұйымдастырылды.
Сабақ соңында қорытындалып, қосымша сұрақтар қойылып, кері байланыс алынды. Кері байланыс 3-2-1 әдісі арқылы, сабақты бағалау попкорн әдісі арқылы берілді.
Жалпы сабақта барлық жоспарланған әрекеттер мен тапсырмалар, дағдылар іске асырылды. Уақыт толығымен жетті. Оқушылар сабақта белсенділік танытып, барлық тапсырманы жақсы орындап шықты.
