Д.Қонаев атындағы №44 мектеп-гимназиясында 2024-2025 оқу жылының «Біртұтас тәрбие» бағдарламасы негізінде «Бірлік және ынтымақ» құндылығын дәріптеу мақсатында Желтоқсан - «Бірлік және ынтымақ» айының 11-і күні 2-сынып оқушыларын «Жас қыран» балалар мен жасөспірімдер арасындағы ұйымына қабылдау жиыны салтанатты түрде өтті.
Мақсаты:
-ұлттық және жалпы азаматтық құндылықтарға сәйкес рухани дүниесі кең тұлғаны қалыптастыру;
-балалар мен жасөспірімдерді қазақстандық патриотизм рухында тәрбиелеу.
Жиын барысында оқушыларымызға қолдау көрсету және болашаққа сенім ұялату мақсатында мектеп директоры Тлекенова Б.С. мен мектеп президенті Закидолла Көркемай сөз сөйлеп, өздерінің ақ тілектерін білдірді. Олар ұйымның әрбір мүшесі болашақта жауапкершілігі мол, белсенді, патриот тұлға ретінде қалыптасатынына сенім білдірді.
«Жас қыранға» 226 оқушы қабылданды. Оқушылардың жанарынан жарқын болашаққа деген ұмтылыс пен жігер байқалды. «Жас қыран» ұйымының қатарына қосылу – әр оқушы үшін үлкен мақтаныш және жауапкершілік!
