Д.Қонаев атындағы №44 мектеп-гимназиясының 2023-2024 оқу жылында “Біртұтас тәрбие бағдарламасы” негізінде “АР-ҰЯТ” құндылығы аясында Наурыз -“Ұлттық салт-дәстүрді дәріптеу”, “Ризашылық” айында “Даналар мектебі” жобасы аясында 8 наурыз - Халықаралық әйелдер күніне орай 6-сынып оқушылары арасында “Әжелер сөзі — даналар көзі” тақырыбында әжелермен сыныптан тыс шара өткізілді.

Шараға 6-сынып әжелері келіп қатысты. Келген қонақтарымыз балаларға “Бесікке салу”, “Ат қою”, “Иткөйлек” дәстүрлерінің маңызы мен мәнін және ережелері туралы айтып, сақталатын ғұрыптармен таныстырып, өздері дайындаған тағамдардан да дәм татқызды.

Сонымен қатар әжелеріміз қазақ салтындағы қыздарға қойылатын қырық жерден тиымдарды айта отырып, қыздарды дәстүр, ғұрып, тиым арқылы тәрбиелеудің маңызымен де ой бөлісті. Аталмыш шара балалар үшін тәрбиелік маңызы зор болды.

Осындай тәрбиелік шараларымызға қатысушы әжелеріміз аман болсын!

Ұйымдастырған 6-сынып педагог-кураторларына мың алғыс!